विविध-विधा

मै अभागी रै’छु बैनी मलाई माला नउने भो
सप्तरंगी टिका यो साल, निधारमा नहुने भो ।

त्यस्तै भयो दसैँ पनि यो तिहारमा आउँछु भन्थेँ
कर्मै खोटो मेरो देशको कुनै चाडले नछुने भो ।

यो पालीको दशैँ पनि खालि निधार काटेँ मैले
छुट्टी मिलाई आउँछु भनी व्यर्थै किन ढाँटेँ मैले

बाटो हेरी टोलाएरे नानीहरू साँझ बिहान
यता पनि आँसुसँग थोरै खुशी साटेँ मैले

अर्कै पार्टी आई सत्ता, चलाउने आँट कस्को?
यति प्यारो मेरो कुर्सी, ढलाउने आँट कस्को?

आजै छाड! आजै छाड!, मागे पनि राजीनामा
मेरै पुत्ला सडकमा, जलाउने आँट कस्को?

धेरै भो गाउँ छाडेको सखी आउने रहर छ
लक्ष्मी पूजेर साँझको भैली गाउने रहर छ

फुलेको होला सयपत्री फूल सदाझैं आँगनमा
गाँसेर माला भाईलाई टिका लाउने रहर छ

गजल”
धर्ति बनि बसेको थिएँ,जून बनि चम्की उनि
छरेर बैसालु चाँदनी,यता-उति लम्की उनि /
____________________________
पग्ली हाल्यो मेरो बैंस उनको नसालु रोशनीले
उनि संगै म घोल्न खोज्दा घमण्डले गम्की उनि /
______________________________
धर्ति हुनु गर्ब थियो मलाई पनि धेरै-धेरै
बादल बोलाई ढाकि दिएँ रिसाएर बम्की उनि /
_______________________________
दागको कुरा

एउटा कुरा सुन सानु आउन पाइन यसपाली नि
चुइएको घरको छानो छाउन पाइन यसपाली नि

साहुको ऋण भारी भयो साहुँ ब्याज गर्दा गर्दै
फाटे लुगा तनभरिका लाउन पाइन यसपाली नि

अब भेट नहुने भो संबिधानको मितिसित
मियो बिनाको यो देशमा के बन्ला र थितिसित ।

कानून बन्ला नेपालमा अनि मुक्ति पाउँछु भन्दै
पर्खिबस्दा नेताहरू खेलवाड गर्छन् नीतिसित ।

“गजल”
स

दशैंको त्यो रम्झमलाई मनमा लिई हाँस्दैछु म
परदेशमा भए पनि अतितको याद साँच्दैछु म ।

फुले होलान् सयपत्री आँगनमा मुस्काउँदै
यता भने काँडाघारी मनमा पाली बाँच्दैछु म ।

जब आँखा-आँखा एक साथ लड्न थाल्यो
बढ्यो गति मुटुको र सास बढ्न थाल्यो

भई रहयो हेराहेर केही क्षणपछि
मुहारमा राता-राता लाली चढ्न थाल्यो

शुभ होस दशै भन्दै कति रटनु पट्टु सरी
भोक र रोगले सुकेको छ पेट यो टट्टु सरी

खेर गयो पोहोर पनि शुभकामना दशैको
शान्ति कता पुग्यो बोली भो मेरो छट्टु सरी