(1)
कुनै चर्चित म कवि होईन
न त म प्रसिद्ध छवि होईन
हो त केवल रुचि मात्रै मेरो
झरना बग्छु तर म रवि होईन
(2)
जीवितै छन् ईच्छा मारेको छैन
अलपत्र आफुलाई पारेको छैन
धेरै नसकुँला थोरै त गर्छु
जीवनसँग अहिल्यै हारेको छैन
(3)
तालि बजाउन दुई हात चाहिन्छ
चपाउन तलमाथि दाँत चाहिन्छ
एक पाङ्ग्राले रथ चल्दैन पनि
सफलतामा सबैको साथ चाहिन्छ
झलक पाली ‘झरना’
लक्ष्मीनगर–३, बिनोडा, जोरायल डोटी
हाल : दिपायल सिलगढी न.पा,-१, सिलगढी, डोटी