मोटर गयो गाउँ गाउँ घसेरीलाई चटारै छ
टेबुल बने कुर्सी बने मझेरीलाई चटारै छ
पुर्णिमा त घुम्दै घुम्दै पन्ध्र दिनमा आँउछ्
हजार जुन्किरी माझ अधेरीलाई चटारै छ
सँधैभरि कस्ले पो साथ दिन सक्छ र
बाटो लागे सुडेनी सुत्केरीलाई चटारै छ
जति कुरा गरे पनि देश दुख्या दुख्यै
बिदेशमा गुलाम बन्ने तन्नेरीलाई चटारै छ
सुझाबको हात थाप्दै
तोया नाथ पौडेल
सँखुवासभा, तामाफोक८
हाल मरुभूमिको छाती ‘साउदी अरब’बाट