विवशताले गर्दा आज छोडी आए नेपाल आमा,
तिम्रो माया ममतालाई तोड़ी आए नेपाल आमा,
हिरा मोती त्यही धर्तीमा, हुदा हुदै पनि मैले
संग्लो जीवन जानी जानी, गोडी आए नेपाल आमा,
सात समुद्र काटे मैले छातीमाथि ढुंगा राखी
आफ्नो मुटु आफैले नै फोडी आए नेपाल आमा,
थिए कति इच्छहरू, आफ्नै देश मै रमाउने
विवश भई पाइलाहरू मोडी आए नेपाल आमा,
डिल्ली प्रसाद खराल”घायल ”
बिरेंद्रनगर चितवन,
हाल: मरुभूमि को छाती दुबई,