गजल

सम्झे मात्र पुग्छ मलाई एक साथीको नाताभित्र
सजाई राख्न पर्ने छैन चोखो दिलको खाताभित्र

साईनो गाँस्न खोज्नेलाई मित्रतानै काफी हुन्छ
अजम्बरी हुन्न भन्छन् प्रेम मय छाताभित्र

बिलासिता होइन जीवन स्वतन्त्रता रोज्छु म त
नबाँधेनी हुन्छ मलाई आफ्नो निजी हाताभित्र

गर्न हुन्न मेहनत धेरै सम्झनालाई सँगाल्न नि
जतन हुन्छ भन्ने छैन हिरा जडित गाताभित्र

निर्मला थापा,

मझेरी आकर्षण