नेपाली पुग्दछन् जाहॉँ, पुग्छ नेपाल नै पनि ।
भन्ने देखिन्छ साँच्चै नै, अम्रिका देशमा पनि।
दशैँ तिहारका जस्ता, ठूला पर्व सवै जसो।
द्यौसी भैलो मनाएर, मान्छन् हर्ष बढी जसो ।
ती नागरिक त्यतैका , कानूनी रूप देखिने ।
संस्कृति चाडबाडै त , नेपाली सव देखिने ।
खैँजडी मुजुरा ठोक्दै, भजन कीर्तनै पनि ।
पूजा तर्पण श्राद्धै नि,गर्दछन् मन्दिरै पुगी ।
नेपाली माँदलै बाजा , नेपाली गीत कै लय ।
नेपाली ड्रेसमा उनी, नाचेका सव निर्भय ।
द्बौशीमा ती सवैलाई , दिएर आशिषै तिनी ।
फलफूल दक्षिणा ली , फर्कन्छन् बाल वृद्ध नि ।