म निर्जीव रहिन कहिल्यै पथ्थर बनायौ तिमीले
पवित्र आत्मामा म बस्दा मन्दिरमा सजायौ तिमीले
यो ब्ययमा नखोज्नु अर्जुन अब्ययमा देख्नेछौ मलाई
मन्दिर, मस्जिद, चर्चमा स्वार्थपन देखायौ तिमीले
यो प्रकृतिको सृष्टि नियाल, लिएर आउँछु म लान्छु
चेतनाले मलाई नखोजी सूगा झैँ करायौ तिमीले
ढुंङ्गा पूज्ने, ढुंङ्गामा अर्जुन, म पूज्ने मसँग मिल्नेछन्
म भन्ने यो आत्मा भुलाई मन अन्तै बसायौ तिमीले
मानव जीवन परिक्षा हो, यो समय निर्धारीत छ
सत्यता नचिनी पूजेर आफैलाई रुवायौ तिमीले