हजार नबनाउनु

प्रेमी एउटा हुन्छ साथी, हजार नबनाउनु
आफैँले आफैँलाई, बजार नबनाउनु ।

गुलाफ साट्दै माया बाँड्दै हिँड्छ्यौ रे जताततै
गुलाफलाई धेरै सस्तो, उपहार नबनाउनु ।

संसार जिती सागर पुगौँ, हुन्छ सबैलाई
आफू बगी अरूलाई, किनार नबनाउनु ।

तरबारले काट्दा नि, सहेथ्यो चोभारले
सहने सबैलाई, चोभार नबनाउनु ।

तिमी हार भन्दिन म, जित्दै जाउ सधैँ
आफ्नो जितलाई ‘सुरेश’ को, हार नबनाउनु ।

-अमृत क्याम्पस, ठमेल