कविता
नेता न दुखे हुन्छ
दुखेर देश के भो नेता नदुखे हुन्छ
नदी सुकेर के भो नेता नसुके हुन्छ
लडेर देश के भो नेता उभिए पुग्छ
झुकेर देश के भो नेता चुलिए पुग्छ
यस्तै छ देश हाम्रो नेता यिनै हुन् हाम्रा
प्राडो-पजेरो चढ्छन् छन् यी चिल्ला र राम्रा
तारे होटेल र रिसोर्ट भोजन रोजाई यिनका
रित्तिन्छ धन देशको फुपुको श्राद्ध तिनका
चिल्ला र चिप्ला गर्छन् कुरा असाध्य मीठा
मन्त्रमुग्ध छन् जनता सुनेर कुरा यिनका
अभिसाप लाग्न थाल्यो नेता मलाई आज
लिदा नि नाम यिनको लाग्छ मलाई लाज