उज्यालो हुन नपाउँदै
पंचायतको गाउँसभा शुरु हून्छ
समबेदनाको बाक्लो कुहिरो भित्र
रुमल्लिएको बेला
बिशाल आकशमा मुक्त हुन चहाने प्राणीहरू
उसैको अन्तहुने आशमा
कालो कालरात्री चिर्नको लागि
भञ्ज्याङमा बसेर गीत गाइरहँदा
चीसो हावाको सिरेटाले
च्वास्स च्वास्स घोच्दै गर्दा
सीतलताको बदलामा कुनै नशालु पदार्थ
शरीरमा घुसे जस्तो
कति सुन्दर वातावरण
फाँटिलो मैदानमा बिचरण गर्दै डाँडा र खोलातिर
स्वतन्त्रताको खोजीमा
हर हर भएर आँत जलेको छ
सिस्नुघारीमा उम्रेका मूल
अघाउँजी पिउने आशमा
वन र जंगल चहार्दै
मुक्तिको बाटो पहिल्याउँदै
रनभुल्ल भएर सुगन्ध खोज्दै खोज्दै हिडेको कस्तुरी
बास्नाको गोहो खोजे झैं
उफ् !
घाटमा पुगेर लमतन्न भएको बेला
उठ्न खोज्छ
बिसर्जन हुनेबेलाको बस्तु
निभ्न आँटेको कुपी
बिदा हुदैछ अब
२०३६।९।१२।
धुपु—४, संखुवासभा