राता क्रान्तिकारीहरू

राता क्रान्तिकारीहरू काला भए हेर्दाहेर्दै
कंगालहरू पूँजीपतिवाला भए हेर्दाहेर्दै

मैले मन पराएकी मेरी प्रिय मान्छेको नि
बिहे अन्तै भयो लालाबाला भए हेर्दाहेर्दै

जिन्दगीले वियोगान्त कथाहरू दिएपछि
मेरा साथी बोतल र प्याला भए हेर्दाहेर्दै

हुँदासम्म भजन गर्ने, मेरा आफ्ना आफन्त नि
मलाइनै रोप्न खोज्ने भाला भए हेर्दाहेर्दै

राम शरण श्रेष्ठ
चिसापानी ६, रामेछाप
१ सेप्टम्बर, २०१६
एक वर्ष पुरानो आज पोस्ट गर्दैछु