पिरतीमा जिन्दगीको सास हुँदो रैछ

पिरतीमा जिन्दगीको सास हुँदो रैछ
त्यै भएर अधिक जिउने आस हुँदो रैछ

जवानीको मातमा आँखा चिम्ली हिँडेपछि
लुटाई सारा जिन्दगी नै नास हुँदो रैछ

जन्मिनुको वास्तविकता न बुझेर यहाँ
कलकलाँउदो शरिर पनि लास हुँदो रैछ

बाहिरका गिद्धहरूको के कुरा गर्नु अब
आजभोलि आफ्नै ठाउँमा त्रास हुँदो रैछ

धन-दौलत जति सुकै कमाए नि जिन्दगीमा
वास्तविक इज्जत नै खास हुँदो रैछ