तराईलाई चोट लाग्दा

तराईलाई चोट लाग्दा 
हिमाल पहाडले साथ दिनु परेको छ
पहाडले खप्की-दप्की खाँदा 
दुईतिरबाट तारेबार लगाउनुपरेको छ । 

हिमाल सधै हाँसिरहने
पीडालाई मनभित्र लुकाएर
हिमाली जनता सधै रोइरहने
हिमालको दुख देखाएर

अशान्तिको सास फेर्दा
तराईले मागिरहेछ गुहार
पहाड नि अछुतो रहेन अब
छाउँदैछ उसमा अशान्ति को मुहार

उठ नेपाली जनताहरु
तराई पहाड जोगाउनलाई
जाग मातृभूमिको आँशु देख्नेहरु
नेपाल आमाको अस्तित्त्व बचाउनलाई ।

छिमेकीले दिएको अटुट चोटलाई
सहन गहारो भयो तराईलाई
खप्न नसकी सन्तानले दिएको पीडालाई
बचाउ आत्महत्या गर्न बाट पहाडलाई

रगतको खोलाले धुवाको रासैले
पहाड तराईलाई क्यान्सर भएको छ
रोग निर्मुल पार्न नदिएको ध्यान कसैले
अब सबै मिली फर्काउने बेला आएको छ ।

सन्तोष न्यौपाने
बेल्जिएम