वरिपरि चारैतिर अन्धकार छाए हुन्थ्यो

वरिपरि चारैतिर अन्धकार छाए हुन्थ्यो
अन्धकारमा साथ दिन तिमी नजिक आए हुन्थ्यो ।

कसिला ती स्तन तिम्रा अनि लठ्ठिएका ओठ
सुम्सुम्याउदै छातीतिर ओठ चुम्न पाए हुन्थ्यो ।

वर्षादको खहरे झैँ उर्लिएको बैससँगै
तिम्रा अङ्ग प्रत्यङ्गमा मेरै तन छाए हुन्थ्यो ।

बारूला झैँ छिनिएको लचकदार कटी तिम्रो
टाँसिएर मग्न हुने क्षण सधै आए हुन्थ्यो ।

वैंसालु त्यो यौवनको रसमय पोखरीमा
डुब्दै डुब्दै पिरतीको गीत हामी गाए हुन्थ्यो ।

मनभित्र कामनाका तरंगले छाल मार्दा
तिमीलाई अंगालेर किनार टेक्न भ्याए हुन्थ्यो ।

अतृप्त यी वासनाका अनगिन्ती चाहलाई
तिम्रै कुच नितम्बमा खन्याउन पाए हुन्थ्यो ।