कहिलेकाहीं मनका कुरा हामीलाई पनि भन
ढुंगामुढा होइन होला हाम्रो पनि मन
दर्पण छायाँ, हेरी हेरी नानी गयो जोवन
कति चोटी ढाँटिसक्यो दर्पणले तिमीलाई
अँझ किन सोध्यौ नानी आफ्नो रुप उनलाई
हामीलाई पनि सोधी हेर
के छौ तिमी हाम्रो लागि
दर्पण छायाँ हेरी हेरी नानी गयो जोवन
संसारले तिमीलाई हेर्यो तिमीले संसार हेर
धेरै धेरै पाउनेछौ तिमीले त्यति खेर
व्यर्थै फाल्यौ जोवन किन
घरको चारै भित्ता कुरी
दर्पण छायाँ हेरी हेरी नानी गयो जोवन
शब्द, संगीत – गोपाल योञ्जन
स्वर – उदित नारायण झा