जन्मेर कोखमा कसैको

जन्मेर कोखमा कसैको
हुर्कन्छ काखमा कसैको
भाग्यको लेखा कस्तो
भावीले के लेखिदियो

कस्ले छोडेको कस्तो नासो हो
जिन्दगीको अनौठो नाता
को हो आफ्नो को हो विरानो
के होला यो रगतको नाता

खोजी हिँड्दछ आमाको न्यानो काख
मायालु छहारी कसैको
भाग्य सबैलाई कहाँ पुग्छ र
संसारमा विधिले लेखेको

कस्तो पीर यो समयले दिएको
भुलाईदेला समयले एकदिन
भुलेको सपना झस्काउँला कुनै दिन
भरिएला त्यो घाउ एक दिन

शब्द – तुलसी घिमिरे
स्वर – नारायण गोपाल
संगीत – रनजीत गजमेर
चलचित्र – चिनो