भावना
मद्होषि नशा पोखिएला त्यसै, गिलासमा हाली पिएर खाउ
चर्केर मुटुमा लागेछ घाउ, मलम र पट्टि लिएर आउ ।।
बचनको तीरले मुटुमा हान्यौ, रगत बगेको बग्यै भयो
कसैले तिम्रो मन चोरी लगेथ्यो, आखिर लगेको लग्यै भयो ।
म देखि मलाई खोसेर लाने, को होला, त्यो उस्जन्मको साउ
चर्केर मुटुमा लागेछ घाउ, मलम र पट्टि लिएर आउ ।।
हारेको थिएँ आखिर मायाँमा, हराएर फेरी के पायौ ?
तिम्रो मायाँ कुनै सफल हुन्न, तिमीले मायाँ खै के लायौ ?
धेरै ठक्कर–हन्डर खाएनी, अझै नथाक्ने मेरा यी पाउ
चर्केर मुटुमा लागेछ घाउ, मलम र पट्टि लिएर आउ ।।
मद्होषि नशा पोखिएला त्यसै, गिलासमा हाली पिएर खाउ
चर्केर मुटुमा लागेछ घाउ, मलम र पट्टि लिएर आउ ।।
पुस्कल पौडेल (–––प्रतिक)