उकाली चढुँला ओराली झरुँला
सात भन्ज्याङ्ग भने पनि त्यो पनि तरुँला
तिम्रै लागि हो भने ज्यानै दिइदिउँला
भनौ भने जिन्दगीमा धेरै रुप देखें
तर मुटुभित्र बस्ने तिमी मात्रै भेटें हो
जे भन्छौ मानुँला बाचा नि गरुँला
तामा तुलसी छोएर कसम पनि खाउँला
तिम्रै लागि हो भने ज्यानै दिइदिउँला
कैले झरे तलतल कैले पुगे माथि
तिमी मात्रै भेटे मैले जिन्दगीको साथी
हिउ नि टेकुँला आगो नि छोउँला
तपश्या नै गर्नु परे त्यो नि गरुँला
तिम्रै लागि हो भने ज्यानै दिइदिउँला
स्वर – उदय सोताङ, मनिला सोताङ
गीति एल्बम – मर्म