एक निमेष मै आस्थाहरू ढल्दा

एक निमेष मै आस्थाहरू ढल्दा थाहा पाएँ
अत्यासमा भित्री मुटु जल्दा थाहा पाएँ

बालापन र बिगत मात्र पर्याप्त हुन्न रैछ
धर्मराउदो गन्तब्यले छल्दा थाहा पाएँ

स्थीर तलाउको कन्चन पानी बन्दा पनि
दिनदिनै आत्मविस्वास गल्दा थाहा पाएँ

क्षितिजको मिर्मिरेमा सुन्दर भोलि देखिन्छ कि ?
सपनीमा बिरानो फल फल्दा थाहा पाएँ

धुम्मिएको आकाशमा खुशी खोज्ने चेस्टा गर्दा
चादनी झैँ मनको दियो बल्दा थाहा पाएँ

प्रकाश पौडेल माइला
गुन्जनगर- ४, चितवन
हाल- योकोहामा, जापान