कल्पना गर्दा गर्दै
भावनामा बहदा बहदै
लाऊँ खाँऊ भन्ने बेला
ढल्यो जवानी परदेशमा
आएका परिस्थिति अंगाल्दै
जवानीका छालहरू सम्हाल्दै
उसँग बिताएका क्षणहरू सम्झी
मुटुभरि माया सजाउदै
लाऊँ खाँऊ भन्ने बेला
ढल्यो जवानी परदेशमा
मेहनतले पसिना चुहाउदै
कहिलेकाहीँ आँशु बहाउदै
सु:खका दिन आउलान भनी
पिर ब्यथाहरू भुलाउदै
लाऊँ खाँऊ भन्ने बेला
ढल्यो जवानी परदेशमा
अरुको कुराहरू सुन्दासुन्दै
सपनाहरू बुन्दा बुन्दै
मायालु भेट्ने आशै आशामा
घर जाने दिन गन्दा गन्दै
लाऊँ खाँऊ भन्ने बेला
ढल्यो जवानी परदेशमा ।