विदेशको भन्दा बढि स्वदेशकै भर लाग्छ,
त्यै भर पनि तोडी दिन्छौ मलाई तिम्रो डर लाग्छ ।
अन्धकारदेखि बिरक्तिएर ज्योति खोजी गर्दा,
किनबेचको बस्तु ठान्छौ विरोध गर्न कर लाग्छ ।
स्वाभिमानलाई थोक बजारमा बेच्न नसके पनि,
छानो चुहुने, ढल्न लागेको प्यारो मेरै घर लाग्छ ।
छद्म नाम र भेषमा विदेशको सयर भन्दा,
देशको सुगन्ध मिसिएको प्यारो मेरै थर लाग्छ ।
विदेशको भन्दा बढि मलाई स्वदेशकै भर लाग्छ,
त्यै भर पनि तोडी दिन्छौ मलाई तिम्रो डर लाग्छ ।