यूरोपका चीसा गल्ली हरुमा !!!


१. झिस्मिस नहुँदै !
पट्ट्यार लाग्दो अलार्म !
सके हप्ताको सातै दिन !
जबरजस्ती आफुलाई ओछ्यानबाट घिसार्दै !
कहिले, आफ्नै निधार ठोक्दै !
कहिले “टाइम ईज मनी”को व्याख्याले चित्त बुझाउँदै !
अनि कहिले “खैरे चोर” वा “धोती चोर”को गालीले आफैं लाइ फकाउँदै !
सुरु हुन्छ यूरोपका चीसा गल्लीहरूको बिहानी !

२. ट्राम बस मेट्रो, ट्रेन !
जेब्रा क्रश, ट्राफिकलाईट कतै अढिने समय छैन !
सधैको उस्तै ह्स्यांग-फस्यांग र हतार !
दुवै हात, मुख, कान र मन लाइ, एक छिन फुर्षद छैन !
मोबाइल, चुरोट, खैनी, सानो झोला !
मनमा ईच्छाहरू रोई रहेछ !

३. i Phoneहरूमा सस्तो लाइन रोज्दै !
Marlboro Classics र Tommyको ज्याकेटहरूमा !
BOSSको नयाँ परफ्यूमलाई,
मसलाको बास्नाले गिज्याई रहेछ !

४ . चिल्ला र सफा सड़क पेटीहरूमा !
एक ढिक्का खकार फाल्दै !
कोठा कै फोहोरको पोकोलाई !
बढो मेहनतले सुटुक्क ,
सड्क पेटीको ढ्वाङ्गमा खसाल्दै !
काठ्मान्डौको फोहोर अझै गन्हाई रहन्छ !

५ . थकीत दिमागहरूमा !
अझ दर्जनौं पासवर्ड, यूजर नेम र कोडहरू कोच्याउदै !
you Tube , च्याट रूम र 18 +को दुनियामा रमाउदै !
वा रेड लाइट र पीप शो घुम्दै !
काठमान्डौको नाईट डिस्को र मशाज पार्लरको बिकृतिहरू ओकल्छ !

६ . कहिले नेपाल खत्तम ! कहिले यूरोप खत्तम !
कहिले नेपाल राम्रो ! कहिले यूरोप राम्रो !
थोरै दिनुको संतोषको साटो !
धेरै नपाउनुको तापमा जल्दै !
जुम्ला हुम्ला र कोशीको व्यथा बिर्सेर !
यूरोप का गल्लीहरूमा !
मगन्तेहरूलाई दया देखाउछ !

७ . एक्कासि, बिना प्रसंग !
नेताहरू, क्रांतिकारीहरू
देशप्रेमीहरू, देशभक्तहरू जन्मन्छन् टेबलहरूमा !
भारत, चाइना र अमेरिकालाई गाली गर्दै !
गिरिजा, बामदेव र प्रचण्डलाई औंलो ठड्याउँदै !
र त्यही साँझ विलाउंछ आइसक्यूबहरू झै !
रक्सीको मातभित्र देशद्रोहीहरू खोज्दै !

८. जिन्दगीको पानाहरूलाई !
प्रत्येक दिन म्यारिज र पप्लूको पानासँग भजाउँदै !
गेट टु गेदर, ग्यादरिंग र पार्टीहरूको रमझममा !
बियर वाइन र व्हिस्कीको रंगमा डुब्दै !
जिन्दगीको परिभाषा बुझिरहेछन !
यूरोपका चीसा गल्लीहरूमा !!!
हामी नेपाली !!! वीर सन्ततिहरू !!!

जे.बी.शेर्पा
बेल्जियम

  •  
  •  
  •  
  •  
  •  
  •  
  •  

2 thoughts on “यूरोपका चीसा गल्ली हरुमा !!!”

  1. वाह! वाह!! दामी गयो
    वाह! वाह!! दामी गयो शेर्पाजी!

    सबै ठाऊँमा यस्तै हो नेपालीको हालत!

  2. Yah right comment for
    Yah right comment for (prostitute) hire out for indiscriminate sexual intercourse, example in India, bumbai so many Nepalese women also. Nepal goverment can’t stop this sitution?

Leave a Reply

Your email address will not be published. Required fields are marked *