स्पष्टोक्ति

मैले माया लाएकै हो किन चाहियो दशी हजुर
आधार प्रमाण नखोज्नु यिनी मेरो प्रियसी हजुर ।।

छलकपट धोका पीडा छैन हाम्रो मन भित्र
चोखो माया गर्छौ हामी किन लाउनु कसी हजुर ।।

व्याख्या के नै गर्नु पर्छ बुझे हुन्छ सिधासिधी
हाम्रो माया बाटिएको दुई पोयोको रस्सी हजुर ।।

हाँसो खुशी दु:ख पीडा अँगालेर यहाँसम्म
सहायात्री भई आयौ होइन हामी बेहोसी हजुर ।।

जिन्दगीलाई खुशी राख्न एक्लै कहाँ सहज छ र
नरोकिने हाम्रो माया रोसी अनि सप्तकोशी हजुर ।।

२०७०/११/२३ गते
सुनसरी, इनरुवा