प्लेक प्लेक तासाई,
फोदोक फोदोक भोल्बान्मुला ।
प्लीङ लासी ब्राई ब्रुई लाबार,
थे म्लाङ म्लाङ्बा युङ्बादुगु ।
तागे लाजी काप्काप्
नाङ्मा नाङ्मा,
म्हागे लाजी मुबा साः
पाख्लेख् ताजी मुबा पोङ,
म्लेत्पान् निजी ह्राङसे ह्राङदान्,
थे तासी खाऊ,
तागे पोप्,
थोगे म्हङ
फोगे आई ङा मान्फो तासी ।
ब्राई ब्रुई लाबार,
थे म्लाङ म्लाङ्बा युङ्बादुगु ।
तिले बिसाम्,
टिण्डिलिङ् ताबा लाङ्गाईदा
जाजा डाँख्लासे च्योसी थान्बाराङ
न्हाबार खाम्ला सु ?
थे तासी खाउ,
ङाई म्हुदु म्राङ्बामुला ।
चाकरी थोन्बा ख्रुम
प्लात्प्लीत् झ्योर्बाराङ,
लाबार खाम्ला ब्राई ब्रुई ।
थेग्याम ङेत्ला,
सेम फुरफुर ताङ्सी,
जार्लामजिर्लिम मिक्लि लाटिबा
लनि थेन दिनी ।
गोला ह्वाई
काला फाल्साला ।
पाङ्ला
काला फाल्सासे डाजी
ख्याप्गो ङ्होरी कोकोम्हेन्दो ।
जङग योञ्जन तामाङ
आङना–५,पाँचथर