विधवाले रहर सजाएझैं

DineshRajGyawali


विधवाले रहर सजाएझैं आउँछ ।
याद आउँछ,याद आएझैं आउँछ ।

हातमा बोकेर दियो, बाती, तेल ।
यो साँझ सूर्यसँग लजाएझैं आउँछ ।

सल्लाको वनमा आउने हुरी पनि ।
गाइने दाइले गीत गाएझैं आउँछ ।

कहाँ छोड्छ र हिजोले तिमीलाई।
बालकले खेलौना पाएझैं आउँछ ।

हाँसी – हाँसी आउँछ कैले दुख पनि ।
खुशी पनि कैले सताएझैं आउँछ ।

  •  
  •  
  •  
  •  
  •  
  •  
  •  

1 thought on “विधवाले रहर सजाएझैं”

  1. अहो दिनेशजी, सधैं झैं शब्द र
    अहो दिनेशजी, सधैं झैं शब्द र भावको मिठो समिश्रणसहित आयो ।

Leave a Reply

Your email address will not be published. Required fields are marked *