तिम्रो मेरो सम्बन्धको अर्थ खोज्न कर लाग्यो
ऐना हेरी आफैंसँग प्रश्न सोध्न डर लाग्यो
जिन्दगीको लामो यात्रा सँगै गर्छु भन्नेले
तिमीसँग हाँसीखुसी सँगै मर्छु भन्नेले
दोबाटोमै छाडी दियौ एक्लै हिंड्न कर लाग्यो
मुटुभित्र वास मागी मन डढाउनेले
थाहै नदिई कलेजीमा छुरा चलाउनेले
हाँस्दै बिदा मागिदियौ जाऊ भन्न कर लाग्यो
स्मृतिका छाल छाडी टाढा गइदिनेले
आँखाभरि आँसु दिई पराइ भइदिनेले
हृदयको घाउ दियौ सुम्सुम्याउन कर लाग्यो
शब्द – रञ्जना थापा
स्वर, संगीत – कर्ण दास
एल्बम – पुरानो डुङ्गा