पहिलो माया ठुन्क्याएर पार्यो जसले फन्दा
उसकै माया धेरै लाग्ने अरूलाई भन्दा
नहुनीलाई कस्तो दिनमा किन भेट्टाइएछ
व्यर्थै माया लाइएछ टन्टो बेसाइएछ
जति फर्काऊँ यो मन यतै त्यतैतिर भाग्छ
मनै त हो गई सकेसि कस्को के पो लाग्छ
क्यै गरे नि पुछिएन दिलमा लेखिएको
जे भए नि प्यारो लाग्ने पैला भेटिएको
तिम्ले कालकुट पियाए नि खुनी मायालु
काँचुली त हैन माया त्यसै कहाँ फालूँ
रैछ रे पो भाग्य मेरो यस्तै लेखिएको
अल्झ्यो छाप मन संघारमा पैला टेकिएको
शब्द – तिर्थ तामाङ
स्वर- कर्ण दास
संगीत – सुन्दर थापा
एल्बम – पुरानो डुङ्गा