आँखाको यो नानीभित्रै लुकी हेर प्यार हुन्छ
नजर मिलाई हल्का हाँस्दै झुकी हेर प्यार हुन्छ ।
सम्झनामा जतनगरी एउटा तस्बिर सजाएर
हिँड्दाहिँड्दै एकपल्ट रुकी हेर प्यार हुन्छ ।
अलिअलि आश गर्दै छिटोछिटो सास फेर्दै
नजिक आई मुटुको ढुकढुकी सुनी हेर प्यार हुन्छ ।
विश्वासको पानाभित्र लेखिएको हाम्रो जीवन
आँधीबीच बलेको त्यो टुकी हेर प्यार हुन्छ ।
आँखाको यो नानीभित्रै लुकी हेर प्यार हुन्छ
नजर मिलाई हल्का हाँस्दै झुकी हेर प्यार हुन्छ ।
-सर्लाही