हाँडीमा भटटटट भुटे पनि खुसी नै छु

हाँडीमा भटटटट भुटे पनि खुसी नै छु
बनाएर गुन्द्रुक झैँ कुटे पनि खुसी नै छु

सुम्लायेका डोबहरू अति सहें निला निला
वेदना लछार्दै पिटे पनि खुसी नै छु

चितामा दन्किएको आगोमा फाले पनि
क्रोधग्नी नजरले चुटे पनि खुसी नै छु

भया वहा अपसंहार अंत्येस्ती जिन्दगीको
बनाएर पान मेरो लुटे पनि खुसी नै छु

वचनवाणमा संतोषको सास फेर्न गाह्रो गाह्रो
निर्दोषलाई पाता कस्न जुटे पनि खुसी नै छु

मनोज काफ्ले “मनसुन”
कुवैत
mansun2036@yahoo.com