नसोच खाली मेरो हृदयमा फलामहरू
चिन्नसके छ यहाँ नि निको पार्ने मलामहरू
माया छाँयासरी मात्र सँधैभरि भागिरह्यो
रावण मात्र हैन छन् म भित्र नि रामहरू
बाह्रै महिना कुहिरोले ढाकेको यो बस्ती भित्र
खोज्दै हिडेको छु यहाँ नपाए पनि घामहरू
कंगाल माथि कंगाल हुदैछु म त आजभोलि
भोग्दै हिडेको छु तिम्रो नामको बदनामहरू
हरपल तिम्रो तिर्सना र सोचाइमा डुबिरहँदा
भुल्न थालेको छु अचेल आफ्नो नै नामहरू