रुप हेर्ने तिम्रो बानीले

हे पुरुष रुप हेर्ने तिम्रो बानीले हामीलाई
तिम्रो मायाले कैदी बनायो?
ब्युटी पार्लर नजाऊ भने सुँनचाँदी नलाऊ भने
“समयसँगै चल्न सिक” भन्छौ?

देश र मुक्तिका कुरा निकाल्दा भने भाँत-भान्शामा-नै
तिमीलाई शोभादिन्छ भन्छौ?
हे पुरुष रुँप हेर्ने तिम्रो बानिले हामीलाई तिम्रो
मायाले कैदी बनायो?

तिम्रो साथबिना हामी यो भवसागरबाट कहाँ
एक्लै तर्न सक्छौ
तिमीले साथ हामीलाई दिएँ हामीपनि देशको
निमित्त भनी केही गर्न सक्छौ

तिमीबिना हामी अधुरा हामीबिना तिमी?
त्यसैले-त भनेको नारी-पुरुष दुबै मिलीजुली
अबदेखि अगिबड्न सिकौं हामी
हे पुरुष हो रुप हेर्ने तिम्रो बानीले हामीलाई
तिम्रो मायाले कैदी बनायो?

भेदभाव गर्ने मनका यी अग्लाअग्ला पर्खालहरु
तोडेर समथर पार्नुपर्छ
एक-अर्काको गल्ती होईन भित्री मनको
भावनालाई बुझ्नुपर्छ
अब हामी मानिसबाट महा-मानिस
बन्दै जानुपर्छ
नारी-पुरुष मिलीजुली गरेको योगदान समेटी
ईतिहास लेख्नु’पर्छ

गीता थापा
ईजरायल