भुलिदिन मन लाग्छ

किन किन कहिलेकाहीं भुलिदिन मन लाग्छ
सधैंभरि फूल बनी फुलिदिन मन लाग्छ

हजार नजर मेरा सामु आए गए पनि
तिम्रो आँखाको झिलमा झुलिदिन मन लाग्छ

तिम्रो मन मुटुमा बिहार गर्ने रगतसँग
मेरो मनलाई रगतमा घुलिदिन मन लाग्छ

काँडेतार लगाए पनि तिम्रो सुन्दर वगैचामा
भँमरा बनी बगैंचामा डुलिदिन मन लाग्छ

मर्नु परे मर्न तयार तिम्रो प्राप्तिको लागि
हुन्न भन्यौ भने बरु शुली दिन मन लाग्छ

भोजराज श्रेष्ठ एकलव्य
बयरवन ३ हरकपुर मोरङ