आउ मीठो बात गरौं मनको मझेरीमा
लुकि लुकि भेट्न आउ पानी पधेरीमा
सुन केशरी केश माथी रिबन सजाएर
जाही जुहि ईर्ष्या गर्छ्न हास्दै लजाएर
लुकि लुकि भेट्न आउ पानी पधेरीमा
आउ मीठो बात गरौं मनको मझेरीमा
आसामेली फुलि छेउमा कालो तिलको कोठी
हितको माया बोलिदेउ हास्दै एकचोटि
परेलीको बाटै बाटो बसि छहारीमा
आउ खेलौं लुकामारी मनको मझेरीमा
तिम्रो माया मेरो माया परेवाको जोडी
उडौ हामी आकाशमा बादलुलाइ छोडी
काउकुतीले ऐठन हुन्छ प्रेम नगरीमा
आउ मीठो बात गरौं मनको मझेरीमा