तिमीसँगै आइदिऊँ आइदिऊँ लाग्यो

हरेक साँझ जून बनी तिम्रो वरिपरि
छाइदिऊँ छाइदिऊँ लाग्यो
याद आउँदा अतीतको
तिमीसँगै आइदिऊँ आइदिऊँ लाग्यो

गोधूलिमा कोइली बनी
भाका फेर्दै गाइदिऊँ गाइदिऊँ लाग्यो
याद आउँदा तिम्रो साथको
देशै छोडी आइदिऊँ आइदिऊँ लाग्यो

कुन पापले भयो हामी
यति पर-पर
खाली हात छ मेरो प्रिय
कसरी आऊँ घर

हाम्रै खेतको धान बनी
झुलौं झुलौं लाग्यो
देख्दा तिम्रो सपनी
त्यसैमा भुलौं भुलौं लाग्यो

बिहानीको शीत बनी
पोखौं पोखौं लाग्यो
सम्झिंदा आफ्नै भाग्य
निदार ठोकौं ठोकौं लाग्यो !

राजेश रुम्बा लामा
दोहा कतार
Reasonlama_rumba@yahoo.com