मेरो अनि उनको रात…

लाखौ तारा बीच एक जूनको रात थियो
मन्द मन्द हावा मनसूनको रात थियो

नौलो नौलो अनुभूति हुदै थियो अधरमा
उनीसंग मेरो हनिमूनको रात थियो

सिंगारले सजिएकी नवदुलहीको साथ
झप्प गहनामा सुनैसुनको रात थियो

हल्का घुम्टो उघारेर आँखा जुधाउदै अनि
पिउने पिलाउने त्यो सगुनको रात थियो

केको अधिकार हुन्थ्यो अरुलाई दाबी गर्ने
त्यो त केवल मेरो अनि उनको रात थियो

प्रकाश सापकोटा
बनेपा, काभ्रे
(मो. ९८४९ २८४११४)