हिमालमा हिउँ फुल्दा सुवास लिन्छ तराई ।
पहाडमा पैरो जाँदा निवास दिन्छ तराई ।
अग्लो होचो भन्ने कुरा कोशमा छैन यसको
आफ्नो को हो यस्ता कुरा तुरून्त चिन्छ तराई ।
मुसर्निया उभिएर शिरमा टोपी लाउँदा
ढक्क फुल्छ चोमोलुङ्मा कसले छिन्छ तराई ।
दाजुभाइ दिदीबैनी मिलेर बस्दासम्ममा
बहुमूल्य मोल हुन्छ कसले किन्छ तराई ।
अराजक नीतिभित्र विकास भज्ने हो भने
सक्तिनँ म भन्न फेरि कसरी हिन्छ तराई ।