छेपाराहरु

यत्र
तत्र
सर्वत्र

एक हुल छेपाराहरु नारा बोकेर
एक हुल छेपाराहरु नाडी ठोकेर
एक हुल छेपाराहरु सत्ता घोकेर

शान्ती रोक्दै
बिकास छेक्दै
सहमती तोड्दै अगाडि बढ्दैछ ।

कोही घरमै बढेका छेपाराहरु
कोही वनमै ढाडिएका छेपाराहरु
कोही छेमेकीबाट सारीएका छेपाराहरु

आफ्नै लयको गीत
आफ्नै तालमा भरी
आफ्नै डम्फु मात्र छेपाराहरु बजाइ रहेछ ।

छेपाराहरुले हिजोआज रग फेर्यो ।
छेपाराहरुले हिजोआज ढग फेर्यो ।।
छेपाराहरुले हिजोआज अग फेर्यो ।।।

होसियार,
चार खुट्टाले टेक्नु र दुई खुट्टाले टेक्नुमा फरक छैन ।
छेपारो आखिर छेपारो नै हो ।