स्वदेश छाडी बिदेश आएँ लाग्दैछ अँधेरो ।
सम्झन्छु सधैँ गाउँ र घर, पाखा र पँधेरो ।।
ती बाबा-आमा, पियारी मेरी हेर्दा हुन् बाटोमा ।
आँशुका थोपा झरेर गए बिलाए माटोमा ।। १ ।।

बिहान उठी पियारी मेरी पूर्वमा हेर्दिहुन् ।
सम्झेर आफ्नु पियारा सधैं दर्शन गर्दिहुन् ।।
पूर्वको तारा बोलाई उनी भन्दिहुन् संदेश ।
लिएर जानु सम्झना मेरो टाढाको त्यो देश ।। २ ।।

पूर्वको तारा मलाई हेर्छ संदेश बोकेर ।
सोधुँला भन्थेँ त्यो तारालाई पूर्वमै रोकेर ।।
खबर के छ, संदेश के छ, सुनाई जानु है ।
कोशेली मेरो आँशुका थोपा बोकेर लानु है ।। ३ ।।

बाडुली लाग्यो, बिहान-साँझ मन यो झस्कियो ।
सम्झदै होलिन् पियारी मेरी मुटु यो चस्कियो ।।
किन हो किन सपनी पनि नराम्रो देख्दैछु ।
बिहान उठी, सम्झेर उनी चिठी यो लेख्दैछु ।।४ ।।

  • 1
  •  
  •  
  •  
  •  
  •  
  •  
    1
    Share

3 thoughts on “सम्झना”

  1. ajha anayasai yo pardeshile
    ajha anayasai yo pardeshile feri ghar ra afanta samjhana pugyo
    tapai le feri bigat ka din yaad dilaidinu bhayo.
    pardeshi ka marma ra maan ka bhawana ramro sanga utarnu bhyeko agami din ma pani yestai lekh ko aasha rakhchhu.

    [email protected]

  2. Nabin ji tapaiko kabita le ta
    Nabin ji tapaiko kabita le ta mero man ko kura bataidiyo
    badhi surta nagarnu tapai ko ra tapaika buba aama ani piyari le aba badhi parkhanu pardaina tapai ko sigra bhet ko kamana gardachhu
    tapai puge pachi tapaiki priya le kolte farkera eklai sutnu pardaina
    kero shubhakamana chha tapailai.

Leave a Reply

Your email address will not be published. Required fields are marked *