आँसु नआउँदै-
तस्बिर आउँछ
आँसु पलाउँदा-
सम्झना झाँगिन्छ/क्षितिज धमिलिन्छ
आँसु झर्दा-
आँखामा खस्छ/बालक चल्मलाउँछ

आँसु पुछ्दा-
चुरा बज्छ/आँखामै खरानी पस्छ
आँसु सुक्दा-
उज्यालो हुन्छ/दैलो उघ्रिन्छ
यसरी आँसु बाहिरियो भने त ठीकै छ
भित्रै रहिरह्यो भने के-के हुन्छ/के-के हुन्छ
आँसु सम्हाले त मन हुन्छ
नसके रुमाल हुन्छ
भन ए परदेशी !
तिमीले पसिना पुछ्ने रुमाल
सपनामा फूल हुन्छ ?!

  •  
  •  
  •  
  •  
  •  
  •  
  •  

Leave a Reply

Your email address will not be published. Required fields are marked *