रित्तिएछु आफैँ आँसु चुहाएर आएँ

शहर बसी पढ्ने खर्च जुटाएर आएँ
रित्तिएछु आफैँ आँसु चुहाएर आएँ ।

गोप्यतामा भताभुङ्ग तनमात्र बाँकी
यो जीवनमा भएजती लुटाएर आएँ ।

लक्ष थियो शिक्षित भई ठूलै मान्छे बन्ने
लुटिएछु आफ्नै मुटु फुटाएर आएँ ।

मानवीय आसै आसमा जोडिएको नाता
निरास भयो जिन्दगानी छुटाएर आएँ ।

पुग्नखोजे चन्द्रलोक ‘गोर्खे’लौरी टेकी
जल, थल, बासस्थान टुटाएर आएँ ।

गजलकुटेरी, विशालमार्ग, नारायणगढ, चितवन ।