माया तिमीले छोडेपछि नसोध मलाई

माया तिमीले छोडेपछि नसोध मलाई
बाचा कसम तोडेपछि नसोध मलाई

म त त्यहीँ छु जस्ताको त्यस्तै छु
अर्को जिन्दगी ओढेपछि नसोध मलाई

मनको बिरुवा उखेलेर बास्ना सबै लगी
अन्तै रोपी गोडेपछि नसोध मलाई

हाल के बताऊँ, “के भो?” भन्छन् सबैले
मुटुमा घाउ जोडेपछि नसोध मलाई

पालै पालो फुकेका भविष्यका बेलुनहरू
नसजाईकनै फोडेपछि नसोध मलाई

इन्जिनियर राकेश कार्की
लस् एन्जेलस्

2 thoughts on “माया तिमीले छोडेपछि नसोध मलाई”