गरिब जनताको लागी लोक तन्त्र राम्रो रैछ
मस्तीमा झुम्नेलाई जोक तन्त्र राम्रो रैछ
१४ बर्षे सानी नानी बांच्न यहां शरिर बेच्छिन
हेर्दा लाग्छ कतै यहां भोक तन्त्र राम्रो रैछ
जहां हेर्यो गरिब दुखी सधैं थिचो मिचो पर्ने
जस्ले जे नै गर्दा हुने ठोक तन्त्र राम्रो रैछ
शान्ति ल्यायौ भन्छन कस्को मनमा शान्तिछ खै
लाग्छ यहां दुःख बोक्ने शोक तन्त्र राम्रो रैछ
पिडाहरु संगालेर बांच्न सबलाई गाह्रो हुन्छ
भुल्नलाई भट्टी छिरी धोक तन्त्र राम्रो रैछ ।।