गर्न थाले नाना भाँती, कुरा पराइले

गर्न थाले नाना भाँती, कुरा पराइले
हामी बिचै चलाइदियो, छुरा पराइले

आँखा बन्द गरी तिम्ले, अर्कै हात थामेपछि
लगाइदियो सिन्दुर अनि, चुरा पराइले

साथ छाड्यौ नारा जप्दै, हैसियत र सामर्थ्यका
कति खुशी दियो कुन्नि, सुरा पराइले

सपनामा महल तिम्रो, झुपडीले घात गर्यो
बनाइदियो तिम्रो जीवन, पुरा पराइले

गर्न थाले नाना भाँती, कुरा पराइले
लगाइदियो सिन्दुर अनि, चुरा पराइले