हर्ष, उमङ्ग उत्साह बोकेर आओस् है नयाँ बर्ष यो
हत्या, हिंसा काटमार रोकेर आओस् है नयाँ बर्ष यो
सुख संबृद्धितर्फ मुलुक बढोस् नहोस् द्वन्द कतै
ब्यक्तिगत स्वार्थ र इर्श्या ठोकेर आओस है नयाँ बर्ष यो
गरिब दु:खी जनताको घरमा बलोस् चुलो सधैं
भोकमरी र अनिकाल पोखेर आओस् है नयाँ बर्ष यो
बिकृति र बिसङ्गति हटोस् स्वच्छ बनोस् राजनिति
इमान्दारी र नैतिकताको पाठ घोकेर आओस् है नयाँ बर्ष यो
बितेका चार बर्षहरू खेर गए त्यसै त्यसै
संबिधान बन्ने मिति तोकेर आओस है नयाँ बर्ष यो