न हाँसेरै बाँच्न सकिने यहाँ
न रोएरै बाँच्न सकिन्छ,
न त कसैको मिठो यादमा
जीवन साँचेरै बाँच्न सकिन्छ ।।१।।
आँखाबाट झरे आँसु
जीवन आँसुकै भेल बन्ने,
हाँसी खुसी बाँच्न जाने
जीवन सुःखकै मेल बन्ने ।।२।।
न बुझ्न सकिन्छ जीवन
न कसैलाई बुझाउन सकिन्छ,
न त कसैको मिठो यादमा
जीवन साँचेरै बाँच्न सकिन्छ ।।३।।
जगेमा बसी धित्तार गरी
अनगिन्ती पाप गरेको देख्छु ,
घृणत भई घिन नमानी
अनि धर्ममा सरेको देख्छु ।।४।।
न बुझन सकिने पापीलाई
न धर्म बुझाउन सकिन्छ ,
न त कसैको मिठो यादमा
जीवन साँचेरै बाँच्न सकिन्छ ।।५।।
शितको थोपा कर्कलोमा पर्दा
आखिर त्यो नि भैंमा झर्छ ,
देह त्यहिँ आत्मा पारी
रुवाई सबैलाई बैर्तनी तर्छ ।।६।।
न बुझन् सकिन्छ मोहजाल
न कसैलाई बुनाउन सकिन्छ,
न त कसैको मिठो यादमा
जीवन साँचेरै बाँच्न सकिन्छ ।।७।।
न हाँसेरै बाँच्न सकिने यहाँ
न रोएरै बाँच्न सकिन्छ,
न त कसैको मिठो यादमा
जीवन साँचेरै बाँच्न सकिन्छ ।
दर्पण