अब कहिल्यै भोग्नु नपरोस निरङ्कुशताका रातहरू
अब कहिल्यै खानु नपरोस सामन्तका लातहरू
अधिकारका निम्ति ज्यान गुम्यो दशौं हजारको
अब कहिल्यै देख्नु नपरोस् निर्दोष लासका खातहरू
फेरि सल्बलाउन थालिसके सामन्तका नाइकेहरू
अब कहिल्य्यै सुन्नु नपरोस् प्रतिगमनका बातहरू
जनतालाइ धोका दिए शासकहरूले पटक पटक
अब कहिल्यै सहनु नपरोस राजनीतिका अन्तरघातहरू
अहिंसाको बाटो तर्फ लम्कियोस् देश सधैं
अब कहिल्यै बढाउनु नपरोस् द्वन्द्वका हातहरू