भाबना
खरानी भै उडी सकेँ, कसरी भनुँ नजलाउ
तिम्रो नजरमा अर्कै रैछ, म त भएछु काम चलाउ ।।
म सँग गरेको तिम्रो प्रेम, रैछ सबै देखावटी
तिमीले देखाको सद्भाव, रैछ सबै बनावटी ।
आफैँ छली गयौ तिमी, भन्नै परेन छलाउ
तिम्रो नजरमा अर्कै रैछ, म त भएछु काम चलाउ ।।
काट्दै नकाटी गिडिएँ, भन्नैपरेन काट
एउटा कुरा सिकेँ मैले, नाटक गर्न तिमी बाट ।
जलायौरे मेरा प्रेम पत्रहरु, भन्दै नभनी जलाउ
तिम्रो नजरमा अर्कै रैछ, म त भएछु काम चलाउ ।।
खरानी भै उडी सकेँ, कसरी भनुँ नजलाउ
तिम्रो नजरमा अर्कै रैछ, म त भएछु काम चलाउ ।।
पुस्कल पौडेल (–––प्रतिक)