तिहार

असरल्ल छरिएका भावना
लठिपत्र भएका सपना
कुनै पुरा हुने आस छैन
मेरो लागि तिहार कुनै खास छैन

दुई बहिनी रुँदा हुन तस्बिर हेरी
एउटा भएको दाजु घरमा बास छैन
मेरो लागि तिहार कुनै खास छैन

न भैलो, न देउसी न त लङुर्बुर्जा
न सयपतृ, न बेली न त मखमली
केही आस पास छैन
मेरो लागि तिहार कुनै खास छैन

कोही म्यारिज कोही फलास कोही कल्ब्रेक्
कोही किटी खेल्छन होला कोही मिल्पत्ती
आफ्नो हात म कुनै तास छैन
मेरो लागी तिहार कुनै खास छैन

तोयानाथ पौडेल
मरुभुमीको छातीबाट