आयो फागुन होली खेल्ने जाग्यो मनमा रहर
सुनको सुगन्धमा यो मायाको सहर
मखमली रंग त्यो रुप सुन्दर कुँदेको
रातो रंग छिर्के मिर्के गुलावी त्यो रोगन
नयन ती मृगका मादकताको दोभान
त्यो हाँसोमा देखिएका मोती दन्त ती दाना
नाच तिम्रो होली रंग लचकता त्यो तनको
होली स्वर होली रंग सुरिलो त्यो भाकाको
आऊ अब राधीका बाहुपास थापें है
जीवनको धर्म रेखा अब मैले साटें है
विश्वासका पानाहरू सबै पढिसकें है
साँझ अब पार्नु हुन्न देवी देउता भाकें है
रंग खेल्ने निहुँमा सिन्दूर बोकी आएको छु
अब म पर्खन्न है घर सल्लाहा गरेकै छु !
होली २०६९