माया लाया मरी मरी

थाहा नपाई मुइले माया लाया मरी मरी
खानसम्म धोका खाया मरी मरी

झिक्कै गल्ती अर्याइन जसो लाग्दो छ्
मद्दे बेलासम्म किलाई चोट पाया मरी मरी

अब त तेरो विशवास लै टुट्यो
अब त तुइलाई निगरी राया मरी मरी

खाली लाए माया मैले तुइसँग
पैला त झिक्कै गुण गाण गाया मरी मरी

आज मुलाई घर न घरबार को बनाई
तुइलाई पाउन रातदिन तेरा गाउ धाया मरी मरी

लाउनसम्मको जुक्ति लाए तुलाई पाउनकीलाई
तेरो औंल गो बाझोँ खेत खाली बाँया मरी मरी

ठुलै सपना सोच्याको थ्या तुखीलाई मुइले
तुलाई घरयाउन माया को ठुलो महल बनाया मरी मरी​

(देउडा भाषा बाचाउने मेरो अभियान – डोटेली कान्छा अर्जुन)